استراتيجيات التسويق ووسائل التواصل الاجتماعي

عندك أنشطة تسويق كتير، لكن مش واضح إيه اللي يخدم هدف البيزنس فعلًا؟ بنبدأ بفهم النشاط والجمهور، وبعدها نحدد الأولويات والقنوات والمحتوى المناسب.

إمتى الخدمة دي تكون مناسبة؟

  • لما تكون بتبدأ نشاط تسويقي ومحتاج تحدد اتجاهه قبل الإنفاق.
  • لما فريقك بينفذ محتوى وحملات، لكن الأنشطة مش مترابطة بهدف واضح.
  • لما وكالة تسويق تحتاج دعم استراتيجي لمشروع أو عميل.
  • لما تكون محتاج تراجع خطتك الحالية وتحدد إيه يتغير فيها.

بنشتغل على إيه؟

بنربط فهم البيزنس والسوق والجمهور بالأهداف والموارد. من هنا بنحدد الأولويات، والرسائل، وقنوات الوصول، واتجاه المحتوى، والأنشطة اللي تخدم الخطة.

خطة السوشيال ميديا بتكون جزء من الاتجاه التسويقي: دور كل منصة، ونوع المحتوى المناسب لها، وإزاي النشاط ده يساعد الجمهور يفهم العرض ويتحرك للخطوة التالية.

بنحدد نطاق البحث، وتفاصيل الخطة والمخرجات حسب مرحلة المشروع والبيانات المتاحة. تنفيذ الحملات أو إدارة الحسابات بشكل مستمر له نطاق منفصل يتم الاتفاق عليه لو احتاجه المشروع.

إزاي نبدأ؟

  1. تحكيلي عن النشاط والتحدي والأهداف في نموذج التعارف.
  2. نناقش الوضع الحالي والموارد والمتاح من بيانات.
  3. نحدد نطاق الشغل والمخرجات قبل بدء التعاون.

مثال من الشغل

في دراسة حالة اكتساب عملاء B2B، نقطة البداية كانت تحديد صاحب قرار الشراء والقيمة اللي هتخليه يدفع، واختيار قنوات وصول تناسب موارد المشروع.

وفي دراسة حالة المعدات الثقيلة، تقدر تشوف مثالًا لبناء حضور رقمي داخل سوق متخصص.

اقرأ قبل ما تبدأ

أسئلة بتتكرر

هل لازم أكون شركة كبيرة؟

حجم الشركة لوحده مش هو المعيار. المهم يكون عندنا احتياج واضح، وموارد نقدر نبني عليها خطة مناسبة.

هل هنبدأ بإعلانات فورًا؟

هنحدد الأولويات بعد فهم الوضع. ممكن تكون البداية في العرض أو الرسالة أو القنوات أو القياس، حسب المشكلة.

نبدأ بفهم اللي محتاجه؟

املأ نموذج التعارف قبل الاجتماع، عشان أقدر أستعد ونستغل وقتنا في مناقشة احتياجاتك.

احكيلي عن مشروعك ↗