حسام صلاح — متخصص استراتيجيات التسويق
HOSSAM SALAH · MARKETING STRATEGIST
أنا حسام صلاح. بساعد الشركات ووكالات التسويق تفهم اتجاهها، وتحدد أولوياتها، وتحول ده لخطط تسويق ومحتوى واضحة وقابلة للتنفيذ.
بالنسبة لي، الاستراتيجية بتبدأ من فهم البيزنس: بيقدم ايه؟ مين بيشتري منه وليه؟ وايه الموارد اللي يقدر يتحرك بيها؟ الإجابات دي هي اللي بتحدد القنوات والرسائل والأنشطة المناسبة.

خبرة عملية من التنفيذ للتخطيط
عندي أكثر من 8 سنوات خبرة في التسويق الرقمي، والسوشيال ميديا، والمحتوى، والإعلانات وتطوير الأعمال. اشتغلت مع شركات وعلامات تجارية في قطاعات زي B2B والمعدات الثقيلة، والتجارة الإلكترونية، والتجزئة، والمجال الطبي، والأزياء، والعلامات الشخصية.
خبرتي جمعت بين التنفيذ المباشر والتنسيق مع الفرق الإبداعية. وده بيخليني أبص للخطة من ناحية القرار، ومن ناحية الفريق اللي هيشتغل عليها وإمكانياته الفعلية.
درست نظم المعلومات الإدارية، وتخرجت سنة 2018. وخلال مسيرتي اشتغلت مع وكالات وفرق تسويق في مشروعات مختلفة.
ازاي بشتغل؟
- نفهم المشكلة: نراجع النشاط والجمهور والسوق والأهداف.
- نحدد الأولويات: نختار اللي يستحق المجهود دلوقتي، حسب الموارد المتاحة.
- نربط القرار بالتنفيذ: نحدد الرسائل والقنوات والأنشطة المناسبة، ونوضح ايه اللي محتاج يتقاس.
مش كل تحدي محتاج إعلانات أكتر. أحيانًا البداية تكون في وضوح القيمة، أو التسعير، أو تحديد مين صاحب قرار الشراء. دراسات الحالة على الموقع بتوضح أمثلة من طريقة التفكير دي.
مجالات التعاون
- استراتيجيات التسويق ووسائل التواصل الاجتماعي
- استراتيجية العلامة التجارية وتوجيه الهوية البصرية
- أنظمة إنتاج التصميمات بالذكاء الاصطناعي المتوافقة مع الهوية
بتعاون مع وكالات التسويق والشركات، وبنحدد نطاق الشغل والمخرجات على أساس احتياج المشروع.
شوف طريقة تفكيري في مشروعات حقيقية
- لما السعر ما يوضحش قيمة الخدمة
- تحديد المشتري وقنوات الوصول في مشروع B2B
- بناء حضور رقمي في سوق المعدات الثقيلة
بشارك هنا التحليل والقرارات والمخرجات الفعلية، مع الحفاظ على خصوصية العملاء. تقدر كمان تقرأ المقالات والأدلة العملية.
حساباتي الرسمية
نبدأ بفهم اللي محتاجه؟
املأ نموذج التعارف قبل الاجتماع، عشان أقدر أستعد ونستغل وقتنا في مناقشة احتياجاتك.